Puer natus in Bethlehem, alleluia:U

Puer natus in Bethlehem, alleluia:
Unde gaudet Jerusalem,
alleluia, alleluia.

Refrain:
In cordis jubilo,
Christum natum adoremus
Cum novo cantico.

2. Assumpsit carnem Filius, alleluia,
Dei Patris altissimus,
alleluia, alleluia.
Refrain

3. Per Gabrielem nuntium, alleluia,
Virgo concepit Filium,
alleluia, alleluia.
Refrain

4. Tamquam sponsus de thalamo, alleluia,
Processit Matris utero,
alleluia, alleluia.
Refrain

5. Hic iacet in praesepio, alleluia:
Qui regnat sine termino,
alleluia, alleluia.
Refrain

6. Et Angelus pastoribus, alleluia,
Revelat quod sit Dominus,
alleluia, alleluia.
Refrain

7. Reges de Saba Veniunt, alleluia,
Aurum, thus, myrrham offerunt,
alleluia, alleluia.
Refrain

8. Intrantes domum invicem, alleluia,
Novum salutant Principem,
alleluia, alleluia.
Refrain

9. De Matre natus Virgine, alleluia,
Qui lumen est de lumine,
alleluia, alleluia.
Refrain

10. Sine serpentis vulnere, alleluia,
De nostro venit sanguine,
alleluia, alleluia.
Refrain

11. In carne nobis similis, alleluia,
Peccato sed dissimilis,
alleluia, alleluia.
Refrain

12. Ut redderet nos homines, alleluia,
Deo et sibi similes,
alleluia, alleluia.
Refrain

13. In hoc natali gaudio, alleluia:
Benedicamus Domino,
alleluia, alleluia.
Refrain

14 Laudetur sancta Trinitas, alleluia,
Deo dicamus gratias,
alleluia, alleluia.
Refrain